استقبل رئيس الجامعة الملكية المغربية لكرة القدم، السيد فوزي لقجع، المنتخب الوطني المغربي للفوتسال صباح اليوم الأربعاء 29 شتنبر 2021 بمركز محمد السادس لكرة القدم بالمعمورة، حيث كان طاقم المنتخب قد حط الرحال بعد وصوله ليلة أمس إلى مطار الرباط سلا.
وحسب ما جاء في تصريح السيد فوزي لقجع الذي نقله الموقع الرسمي للجامعة، فإن أداء المنتخب المغربي بكأس العالم لكرة القدم داخل الصالات (ليتوانيا 2021) رفع التوقعات، إذ وحسب قول لقجع : “ الملف العربي و الإفريقي خاص نطويوه نهائيا وخاص ترجع مسألة الفوز بكأس إفريقيا وكأس العرب في الثقافة ديالنا .. نقطة الانطلاقة اليوم هي ربع نهائي كأس العالم ماشي التأهل لكأس العالم وهادي خاص تكون قاعدة العمل … المغاربة تاقوا و فهموا واقتنعوا أن مستوى الفوتسال المغربي اليوم بين الثمانية الأوائل في العالم. ”
وأضاف لقجع في ذات التصريح : “ بطبيعة الحال هادشي خاصو العمل و الخدمة باش يرجع ثقافة لي كايجيب إنجازات و يمشي موراها يتبرونزا في الشواطئ ماكانهضرش معاه و بيناتنا مسافة بعيدة .. ماغانساينوش 4 شهور الأخيرة باش نتكرفصو فيها و نوجدو لكأس العالم القادمة خاص نبداو التحضير اليوم .. غادي ندير اجتماع مع الإدارة التقنية وهشام الدكيك باش نوضعو استراتيجية التحضير لكأس العالم القادمة .. المباريات الودية خاص نبداو نلعبوها مع الأربعة الأوائل عالميا مع اسبانيا والبرازيل والبرتغال. ”
كما لم يخفي لقجع ثقته في مستقبل الفوتسال من خلال المنتخبات الوطنية بسبب هيكلة وحضور منتخبات سنية بناء على تصور للمستقبل وبناء على البرنامج الذي قدمه السيد هشام الدكيك والإدارة التقنية لتطوير اللعبة داخل الأندية وعند الفئات السنية.
وفي ذات السياق، أكد لقجع أن ثقافة سرد المشاكل هي خارج اختصاصه، وأن المسؤولية هي التغلب عليها وهي : ” المسؤولية مشتركة باش اليوم نحطو قدامنا هدف الوصول للمربع الذهبي في المونديال القادم و خاص نوضعو قدام عينينا طموح الفوز بكأس العالم في محطة من المحطات .. وهادشي غايتحقق إلا مشينا بنفس المسار وبنفس الجدية وبنفس الروح .. لي ماعندوش هاد الطموح يعطينا شبر ديال التيساع. ”
كما استغل لقجع الفرصة للإشارة إلى وجوب باقي المنتخبات الكروية الاجتهاد ورفع التوقعات، بدل الدخول إلى المنافسات بهدف المشاركة واستهلاك النفقات حيث صرح : ” ذكرتو العامة بواحد المثل قريناه في الابتدائي من جد وجد و من زرع حصد .. و البرونزاج برونزاج و الكلوب ميد كلوب ميد و مايمكنش الكلوب ميد يجيب نتائج .. لي ماعندوش هاد الطموح يعطينا شبر ديال التيساع .. ماعندش الحق اليوم شي منتخب وطني كايمثل المغرب يقوليا غانمشي نلعب في البنين ونخسر .. لي بغا يلبس قميص المنتخب الوطني قبل ماتكون كرة و مسؤولية تقنية خاص يكون شعور و إحساس و هادي الثقافة لي خاص تكون “.
ثم أضاف في الأخير : “ نتوما عطيتو الدرس فهاد المجال و الطريق معبدة ليكم لتحقيق المزيد وخاص تديرو بين عينيكوم فالقريب العاجل نربحو هاد المونديال شي نهار وإلا خاصنا أي حاجة نديروها نديروها “.
