بقلم هشام الشكدالي : ” آجي دور معايا فالعرائش”

Mohammed El Filali2 مارس 2022آخر تحديث :
بقلم هشام الشكدالي : ” آجي دور معايا فالعرائش”

بقلم هشام الشكدالي / العرائش

وانتم داخلون بسلام من اقصى المدينة جنوبا زائرون لها تجدون مرجان يمينا والكلية شمالا،تتوغلون وسط المدينة فيستهويكم المجال الاخضر والكراسي المزينة للارصفة، و الغابات تجسد الطبيعة المنبودة بمحاداة المدين.

اذا اردتم ان تاكلو وجبة من الوجبات فالغريب عن المدينة يصل الى فبركة الطحين وهي بناية عملاقة بمحاداتها مطاعم خاي احمد واختي سعاد والشواية والمقاهي،تقدرو تاكلو دجاج امحمر او راسيون اديال الحوت او طاجين اديال الكفتة او يمكن تغير الطريق للميناء او البلاصة(سوق نمودجي )من اجل شواية سردين طازجة.

غادي تتغدى مثلا بفبركة الطحين وبعدها غادي تخرج تشوف لمدينة.

اذن شد الطريق يمينا الى حين تخرج فرامبوان اديال السبوعا او كواترو كامينو حسب تسمية المحليين،و اقصد لمدينة ديريكت،تمة ستجد رامبوان يقومون باعادة بنائه وتأهيله وستجد نفسك محاطا ببناءات موريسكية شاهدة على التاريخ المنسي وشاحب على جدرانه جير قديم،سترى مقاهي هنا وهناك بمحاداة الرامبوان،غادي انوصيك تقصد ليكسوس قهوة راقية وجميلة واتحس اشوية اديال ابريستيج تماك،ادا احرافتلك شنو تشرب اطلب براد اتاي امعشب بالنعناع،زوين ويهضملك ديك الماكلة اللي اضربتيها سالفا.

من بعد نصحك دوز لبالكون اتلنتيكو طلل على البحر،وغادي نقولك ان لعريشيين لحرار تماك تعلمو ايعومو،وديك البلاصة السفلية على مرآى من عينيك اسميتها عين شقة،واذا اطلقتي عينك شمالا على الشط هناك بين الصخور الملتطمة بالامواج تجد القوس او الما اجديد،هاديك بلاية خاصة لولاد الكوسطة،تماك الطواجن وادكوك اتاي و الشمس والتحامر فالصيف،منصحكش تمشي بوحدك لتماك تستجم او تجلس،خص يكون واحد ولد لبلاد والكوسطة ايرشدك باش متلفش.

وغادي انقولك سير اقصد ديك المعلمة على يمينك،هادي ابناوها السعديين،اهالي البلاد كيقولو ليها اسبيطار الحوماق،وسير بمحاداتها واهبط لتحتي،ستجد فضاء مفتوح والشط والامواج بشمالك،اتمتع شوية تماك او اقصد اسكليرا،تماك ستجد وسيلة العبور للبلايا،الوسيلة هي الباطيل باش ميشمتك حد را كنقطعو ب خمسة دراهم فالايام العادية ،والصيف ب 3دراهم،غادي يعجبك الحال وانتا قاطع والموج كيداعب ديك الباطيل ابحال فرشية وسط بئر،غادي توصل واتحط رجلك فوق البلايا.

لك حرية الاختيار البلاية اللي تجلس فيها،وسط الحجر او الرمال او الرصيف،وغادي تحس بالتنوع والايخاء والسلام بين ناسها.
العرائش مفخرة الشمال بتاريخها وحضارة اناسها.

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

error: Content is protected !!