بقلم هشام الشكدالي: “الهندية العرائشية”

Mohammed El Filali21 يوليو 2022آخر تحديث :
بقلم هشام الشكدالي: “الهندية العرائشية”

أخبار الفجر المغربية / هشام الشكدالي

الهندية من الفواكه الصيفية وعندا تاريخ مجيد بمدينة العرائش،كانت فالامس القريب كيدوروا بها فالصباح بكري على شواري وحمار فلاحة كيجيو من القرى القريبة وكتسمع فالصباااح وااا الهندية.

كتخرج الام كتشري 5 بدرهم وتدخلا وتغسلا وتنقيها وتحطا تبرد فالثلاجة باش تناولها باردا فالغدا.

وكتلقاها كذلك فباب المرسى بالقرب من المطاعم ديال السمك اللي متواجدة بالعرائش،عرارم ديال الهندي وسطيلات صغار، كتختر العروم اللي بغيتي وتينقيهالك فعين المكان وتاكلها وتخلص تقريبا درهم للوحدة.

اليوم اندثرت تقريبا بسبب الحشرة القرمزية والتي اتت على الاخضر منها واليابس واللي محولتش لا الحكومة السابقة ولا الحالية تعرف سبب انتشار هاذ المرض بضلف الهندي واللي حرمنا من فاكهة لذيذة ارتبطت بيوميات الصيف والبحر والطلعة من اسكليرا شبعان او جيعان وتاكل عروم بارد وحلو جدا.

الهندية كانت من الطقوس الجميلة بمدينتنا.

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

error: Content is protected !!