
** داز عام على رحلتك إلى الدار الأبدية
فراقك صعيب بزاف وفوق الوصفية
صورتك لازالت في الذاكرة وباستمرارية
لم ينسى الناس حبك ليهم بكل عفوية
نرحمو عليك يا ابي في كل وقتية
** حلمتك سولتيني على أحوالنا الدنيوية
جاوبتك بكلام غريب فوق الاستعابية
ضحكتي وقلتي لي اش هذا المزاحية
حلفت ليك أن كلامي كلو مصداقية
أربع شهور بعد سفرك تغيرات الوضعية
دخلنا في حرب غير اعتيادية
شنها علينا عدو ماشي من البشرية
ميكروسكوبي ومن الفيروسات البيولوجية
** هو ماشي بحال الأنواع الزكامية
تكويناتو الجينية حيرات المختبرات العلمية
يهجم على الناس من كل الاصناف العمرية
مايرحم حد خاصة لي ناقصاه المناعية
** اللقاح باقي بعيد في الظروف الآنية
الفيروس لازال يحصد أرواح بشرية
الناس تلفات وحتى الأوساط الحكومية
كل نهار قصة وتدابير وبكل ارتجالية
** كنتي تنصحني انقص من الكلامية
الوقت صعيبة ولازمها كمامة رمزية
شحال من واحد طركوه مع الدلاقشية
الكمامة الرمزية صبحات واقعية
مفروضة واجبارية بدون استثنائية
هي صمام الأمان بدون نقاشية
وربما تنفعنا حتى في المستقبلية
نكونوا تدربنا على الصمت والسكوتية
اوتكون دعوتك ا الوالد بلغات المرادية
** ونختم قصيدتي بالتوسل لخالق الكونية
ان يشملك برحمتو دون حسابية
وان يحشرك في الجنة مع الأولياء
اللهم اخرحنا من هذه الحالة الوبائية
والطف بنا حتى نعاود حياتنا العادية
مراكش 22/08/2020
نورالدين بن شقرون















































