كيفاش تقلب سيارة مستعملة قبل متشريها.

كيفاش تقلب سيارة مستعملة قبل متشريها.
من المعلوم ان اي شخص يبغي يشري سيارة خصوا يعرف واش نقية ولا لا،يعرف كذلك واش اكسيدة ..الصباغة الاولى او لا،،،الحالة الميكانيكبة ….
اول شيء فاش تعجبك سيارة شوف الكارت كريز يعني تعرف الموديل ،وتعرف كذلك واش هي محلية او معشرة بمعنى دخلت من الخارج وقاموا بتعشيرها،وتعرف كذلك الخيل اي نوع الضريبة واش صغيرة او كبيرة …
اوقف حدا السيارة وحاول تشوفها فالنهار اذا مكنتيش كتفهم خود معك طولي اي امعلم كتيق فيه كيصلح السيارات وكيصبغهم باش يعرف واش اتعرضت لحادثة سير او لا،طريقة التعرف عليها معلومة عند الحرفييين.
ثاني شيء تشوف ميكانيكي ثقة ليتعرف على حالة المحرك من صوت المحرك و الحالة الميكانية بصفة عامة والعجلات وووووو.
اذا كانت الموافقة المبدئية للطرفين وبعد سياقة السيارة والارتياح لها فالمرور للتاكد من ان السيارة ممعوداش يعني سيارة معقولة ليس بها اي عيب من العيوب التي تعرقل البيع بموافقة لافيزيت اي الفحص التقني بمعنى ان الارقام التسلسية ديال السيارة سليمة ….
كتبقا خطوة اخيرة هي ثمن السيارة اللي لازم تسول وتعرف ثمن السوق فين واصل ولكن المعيار الاول والاخير هو الحالة دبال السيارة كيف عاملا يعني تقدر ثمنها زايد ولكن جيدة جدا .
تشري لمليح باش متصحبش مع الميكانيك.
تشري من عند معروف باش ميضحك عليك حد.
تشوف وسيط معقول يقلبلك ويوصلك للسيارة والعرف المتداول في الاجرة ديالو 1000 درهم..
ماشي مشكل تكون السيارة مصبوغة المهم هو متكنش كسيدة او مقلوبة.
ردوا البال را كاين منعدمي الضمير الللي كيهمهم غي الكاميلة ويصاحبوك مع المبكانيك.
وفالاخير ما خاب من استشار.