ذابت شمعتي فالليل وانا حيران
همومي وحزاني خلاتني سهران
بكات الشمعة وسالت دموعها ويدان
سولتني فين لحباب والخلان ؟
اشنو سباب هذا لفراق ولهجران؟
قلت لها: لو كنت بمالي
لكان كل واحد في طمعان .
الدرهم ليه بريق ولمعان
اخلي بنادم ليه عاشق وولهان
وبيه اغني وسكران
حالي علمني معدن كل انسان.
الى كنت بمالك
إجيك الواحد فصورة ملاك
ويلا تعدم جيبك اولي شيطان
كان إضحك فوجك
واليوم هو عليك غضبان
سعدات اللي بقى فصباغتو
وما تغير مع الزمان
قبل اعيطو ليك سي فلان
واليوم تولي عويلان
وشهدو فيك بالزور والبهتان
فطريق الشر غادين عميان.
يا خسارة كي ولا الانسان
وباقي زايد فالخسران
لعفو من عند الرحمان
محمد الحاتمي
ذابت شمعتي فالليل وانا حيران
